Gjithçka është mbyllur barazim 2-2 në sfidën Partizani-Elbasani, të luajtur në “Arena e Demave”, e vlefshme për javën e 18-të të “Abissnet Superiore”.
Sfida u zhbllokua nga Mba në të 13-të, por që nuk zgjati shumë pasi Elbasani arriti të përmbysë gjithçka me Tsague 20’ dhe Mustën 29’.
Në pjesën e dytë, me një volum më të madh loje, të kuqtë arritën të vendosin barazpeshën në minutën e 60-të me anë të Janjevës, me rezultatin që mbeti i njëjtë deri në fund.
Me këtë barazim Partizani humbet terren në klasifikim dhe zbret në vendin e tretë me 30 pikë, aq sa Egnatia në vendin e katërt, por që ka një ndeshje më pak. Elbasani, i pozicionuar në vendin e 5-të, ndodhet në kuotën e 22 pikëve.
