Arbitrat dhe asistentët e kategorisë “Abissnet Superiore” kanë zbritur sot në fushë për t’iu nënshtruar testeve fizike në prag të nisjes së fazës së dytë të sezonit futbollistik. Nën udhëheqjen e Sektorit të Arbitrimit në FSHF dhe përgatitësve atletikë, rreth 60 arbitra kanë zhvilluar testet në ambientet e njërës prej fushave në Shtëpinë e Futbollit.
Përmes këtyre testime është konkluduar se përgatitja e arbitrave ishte mjaft e mirë duke bërë të mundur që të gjithë pjesëmarrësit t’i kalonin me sukses provimin fizik. Sakaq, përgatitjet e arbitrave të “ Abissnet Superiore” për sezonin e ri do të vijojë të shtunën me seminarin teorik, ku do të marrë pjesë edhe instruktori i UEFA-s, Costa Kapitanis.
Të gjithë arbitrat dhe asistentët pjesëmarrës do të fokusohen në pjesën teorike, duke analizuar aspekte të ndryshme të arbitrimit, situata të ndryshme të lojës me raste konkrete dhe duke u përditësuar me ndryshimet në rregulloren e arbitrimit.
(Video) Testet fizike për arbitrat kryesorë dhe asistentët e kategorisë Superiore
