“AF Elbasani”, pas hapjes së dyqanit me veshje dhe suvenire ka njoftuar këtë mesjavë nxjerrjen në treg edhe të aboneve sezonale .”AF Elbasani” vjen me këtë risi për mbështetësit e Verdh e Bluve në prag të fillimit të Kampionatit të Superligës Shqiptare duke ju krijuar atyre mundësinë që të rezervojnë vendin e preferuar në stadium përmes aboneve sezonale.
AF Elbasani e ka nisur këtë mesjavë fushatën e abonimeve sezonale për tifozët duke paracaktuar edhe çmimet e biletave për sezonin 2024-2025.Aboneja sezonale do të jetë e vlefshme për të gjitha ndeshjet e Kampionatit të Superiores dhe Kupës së Shqipërisë që AF Elbasani luan si pritës në stadiumin “Elbasan Arena “.
Duke nisur nga sot të gjithë tifozët e interesuar mund të kontaktojnë në adresën afelbasan@officialstore . Në këtë adresë aplikuesit mund të përzgjedhin vendin e preferuar në tribunat e stadiumit “Elbasan Arena” për t’u pajisur me abone personale sezonale.
Çdo tribunë e stadiumit “Elbasan Arena ” do të ketë aksesin specifik me anë të kartave gjatë gjithë këtij sezoni sportiv.Çmimet e biletave aktualisht janë paracaktuar dhe abonetë sezonale janë nxjerrë në shitje.
Për të mundësuar blerjen e tyre jane hapur sportelet e biletarisë pranë stadiumit “Elbasan Arena” ku të interesuarit mund të paraqiten për ti tëhequr vetë .Aktualisht po tregohet interesim i jashtëzakonshëm nga mbështetësit e Verdh e Bluve për të prenotuar një abone sezonale , çka tregon se AF Elbasani në këtë Kampionat do të ketë një tifozëri me numër mjaft të madh në shkallët e stadiumit.Marketingu gjatë këtij viti është një nga pikat e tjera më të forta të AF Elbasanit, i cili synon të sigurojë sa më shumë të ardhura.
Me hapjen e dyqanit të tij ,ky klub futbolli ka nxjerrë në shitje bluza , shalle e komplete uniformash me logon e ekipit, për t’u dhënë mundësinë të gjithë tifozëve të blejnë simbolet që lidhen me ekipin e tyre të zemrës . AF Elbasani nëpërmjet një pune të jashtëzakonshme synon që në ndeshjet e Kampionatit të Superiores të jetë sa më rezultativ dhe të ketë sa më shumë mbështetës në shkallët e stadiumit.
