Kur duhet edhe pak ditë nga nisja e sezonit të ri futbollistik 2024-2025, KF Vllaznia ka zyrtarizuar uniformat e reja me të cilat do të luajnë ekipet e futbollit të meshkujve si dhe ato të femrave. Një gjë të tillë e ka bërë përmes postimit të disa fotove, mes të cilave, krahas Bekim Balajt dhe Ezmeralda Franjes që mbajnë shiritin e kapitenëve në skuadrat e tyre përkatëse, tek meshkujt dhe femrat, si dhe edhe pjesëtarë të tjerë të dy ekipeve përkatëse, spikat edhe veterani i mirënjohur kuqeblu, Hysen Zmijani, si pjesë e atij brezi që dha shumë për Vllazninë.
Njoftimi zyrtar i KF Vllaznia:
“KF Vllaznia prezanton uniformën e parë, atë me të cilën ekipi do t’i luajë ndeshjet në shtëpi për sezonin 2024-2025.
Nisur nga kërkesat e shumta që kemi patur sezonin e kaluar për fanellën e krijuar me rastin e 105 vjetorit të klubit, është vendosur që të mbahet i njejti dizajn edhe për sezonin e ri, i cili përpos ngjyrave tradicionale të klubit tonë, përmban dhe hartën e rrugëve të Shkodrës.
Faleminderit legjenda Hysen Zmijani!
Forca Vllaznia!
