AF Elbasani-Pogradeci 2-2(Shënues: Loukili 44’, shënoi Dialo 74’/ Panajos 53’, Rodrigues 69’)
Ishte planifikuar si një ndeshje miqësore, por nga rrethanat sesi shkuan episodet e ballafaqimit, Elbasani-Pogradeci duke afruar tension dhe dhunë në fushën e lojës, sfida në fjalë u shndërruar, nga miqësore në amiqësore.
Në përfundim të 90-të minutave, rezultati ishte, Elbasani 2 dhe Pogradeci 2. Një lojë që përgjithësisht ishte e dyluftuar nga të dyja skuadrat, me vendasit që kanë në avantazh të 45 minutave të para me golin e shënuar nga Loukili. Një minuta nga mbyllja e kësaj pjese. Më pas, dy gola radhazi për miqtarë nga Pogradeci me autor Panajos 53’ dhe Rodrigues 69, kalojnë në avatazh liqenorët e Pogradecit.
Sfida barazohet nga Elbasani në minutën e 74-të nga Dialo, por ajo që ia prishi bukurinë këtij takimi ishin minutat e fundit të krejt ndeshjes ku tensionet u rritën duke përfshirë në konflikt, jo vetëm futbollistët në fushë, por edhe tifozët në tribunat e stadiumit “Elbasan Arena”.
Shkak për përplasjet u bë sjellja provokuese e njërit prej lojtarëve të Pogradecit, i cili me gjeste dhe fjalë u përpoq të provokonte kundërshtarët në disa raste gjatë ndeshjes. Kjo çoi në reagime të ashpra duke kulmuar me momente tensioni si në fushë, ashtu edhe në tribuna, ku pati shkëmbime fjalësh, përplasje fizike dhe ndërhyrje nga stafet respektive për të qetësuar situatën.
Pavarësisht incidenteve, fatmirësisht nuk pati pasoja më serioze, ndërsa organizatorët shpresojnë që raste të tilla të shmangen në ndeshjet e ardhshme, për të ruajtur frymën sportive që duhet të karakterizojë ndeshjet miqësore.
(Video) Pamje nga ndeshja, AF Pogradeci, 2-2, si dhe prononcimi i trajnerit të Elbasanit, Ivan Gvozdenoviç.
Fatmir POPJA
