Shkodra mirëpret Kampionatin Ndërkombetar të basketbollit 3×3, aktivitet që organizohet nga shoqata e basket 3×3 me qendër në Shkodër në bashkëpunim me Federatën Shqiptare të Basketbollit dhe Bashkinë Shkodër.
3x3Albania feston 10 vjetorin në Shkodër ku rikthehet për herën e 3 rradhazi në një maratonë basketbolli 4 ditore .
Disiplina 3×3 tashmë një sport olimpik do jetë prezent në Shkodër në një turne ndërkombëtar 4 ditor . Eventi do të zhvillohet nga data 31 korrik deri me 3 gusht tek Sheshi “Nënë Tereza” midis 2 rrugëve pedonale .
Me datë 31 korrik deri me 1 gusht do zhvillohet kategoria U-18 ku do jenë 8 ekipe pjesmarrëse me ekipe nga qyteti i Shkodrës, Tiranës dhe Durrësit.
Me datë 2 dhe 3 gusht do jetë kategoria e të rriturve ku do jenë plot 17 ekipe pjesmarrese të cilat do dhurojnë spektakël me ekipe nga Shqipëria ,Mali i Zi , Kosova dhe Austria .
3x3Albania ka menduar dhe për publikun që do jetë prezent fizikisht duke organizuar lojra për spektatorët dhe duke ofruar tribuna për të parë nga afër aktivitetin me një gamë të gjerë shërbimesh duke filluar nga pijet dhe ushqimi. Për publikun që nuk do të jetë prezent fizikisht do jetë një një trasmetim live në platformën RTSH dhe Veriu Sport.
(Video) Prononcimin e plotë të organizatorit Roni Gjeçaj, mund ta ndiqni në kanalin tonë zyrtar, Veriu Sport-YOUTUBE.
Gaspër MARKU
