Bylis-Tirana 0-1(Shënues: Rafael Freitas 63’(p))
Tirana ka nisur në mënyrën më të mirë vitin 2026 në kampionatin Abissnet Superiore. Bardheblutë marrin një fitore të çmuar 1-0 në transfertë përballë Bylisit dhe japin shenja se mbijetesa është një objektiv që mund të arrihet.
Një gol i Rafael, nga pika e bardhë e penalltisë në pjesën e dytë, vulos fitoren 1-0 të bardhebluve në transfertën kundër Bylisit.
Sfida e transmetuar në RTSH Sport ka qenë e bukur dhe e luftuar. një penallti në pjesën e dytë, e akorduar nga gjyqtari Jorgji pas verifikimit në VAR, ka rezultuar vendimtare për fatin e takimit.
Rafael shënon gol dhe i dhuron Tiranës fitoren e dytë sezonale në kampionat. Pas ndryshimeve të shumta në skuadër, bardheblutë japin shenja jete dhe tashmë shanset për mbijetesë rriten, ndonëse kryeqytetasit vazhdojnë të mbeten në vendin e fundit në klasifikim me 13 pikë pas 19 ndeshjesh të luajtura në kampionat.
Bylisi humbet në shtëpi përballë një rivali direkt në luftën për mbijetesë dhe me 18 pikë mbetet në vendin e tetë në klasifikim.
