Me mbylljen e javës së 17-të të hënën, ekipet duhet të kthejnë menjëherë fokusin te duelet e ardhshme, pasi në fundjavë do të zbresin në fushë për llogaritë e javës së 18-të. Kjo javë do të ndahet në dy ditë 14-15 dhjetor. Të shtunën do të luhen tre ndeshje. Sigurisht vëmendjen më të madhe do ta marr derbi mes Dinamos dhe Tiranës, përballje që do të luhet në “Elbasan Arena” në orën 16:00.
Paralelisht do të luhet edhe sfida mes Vllaznisë dhe Laçit, përballje që zhvillohet në “Loro Boriçi”, ndërsa në orën 19:00 do të jetë radha e Partizanit dhe Elbasanit për të bërë mes tyre llogaritë e kësaj jave, ku sfida do të luhet në “Arenën e Demave”.
Ditën e dielë do të luhen dy ndeshjet e tjera. Skënderbeu do të pres Bylisin në stadiumin “Skënderbeu”, ndërsa Teuta do të sfidojë Egnatian në “Niko Dovana”. Takime këto që do të startojnë në të njëjtën orën 16:30.
Kalendari i Abissnet Superiore, java e 18-të
Të shtunën
Vllaznia-Laçi(16:00)
Dinamo-Tirana(16:00)
Partizani-Elbasani(19:00)
Të dielën
Teuta-Egnatia(16:30)
Skënderbeu-Bylis(16:30)
Fatos LAMAJ
