Java e 32-të e kampionatit “Abissnet Superiore” nis sot me tre ndeshjet e para. Skënderbeu – Dinamo City dhe Partizani – Laçi janë dy sfidat e para që do të nisin në të njëjtën orë, atë 17:00. Sfida këto shumë të rëndësishme që përballin Dinamon dhe Partizanin e katërshes së parë të renditjes me ato që luftojnë për mbijetese, si Skënderbeu dhe Laçi.
Edhe sfida e tretë, e cila luhet mbrëmjen e sotme në stadiumin “Loro Boriçi” mes Vllaznisë vendase dhe Teutës mysafire, ka të njëjtin mision. Kuqeblutë që kërkojnë pikët maksimale për të kapur vendin e dytë në renditje dhe bregdetarët durrsakë që kërcënohen në grupin e skuadrave të fundit të renditjes.
Kalendari i ndeshjeve të javës së 32-të, Abissnet Superiore
Sot
Skënderbeu-Dinamo(17:00)
Partizani-Laçi(17:00)
Vllaznia-Teuta(20:00)
Nesër
Bylis-Egnatia(15:00)
Elbasani-Tirana(18:00)
Fatos LAMAJ