E nisur dje me ndeshjen e mbrëmjes, Dinamo-Laçi, e mbyllur me fitoren e bluve 2-1, Java e tetë e Abissnet Superiore në RTSH vijon sot me dy duelet e tjera: Partizani-Bylis dhe Skënderbeu-Egnatia, ballafaqime këto që do të luhen në të njëjtën orë, atë 19:00.
Të kuqtë, të cilët luajnë në stadiumin “Arena e Demave”, vijnë me moralin lart në këtë sfidë pas fitores në javën e shkuar ndërsa ballshiotët do të kërkojnë fitoren e parë me Nevil Deden në stol.
Ndërsa në sfidën tjetër, e cila do të luhet në stadiumin “Skënderbeu”, të dyja skuadrat, korçarët vendas dhe rrogozhinasit kanë objektiv fitoren e tre pikëve.
Java e tetë e Abissnet Superiore vijon nesër me dy takimet e tjera shumë të rëndësishme: Elbasani- Vllaznia,dhe Teuta-Tirana, sfida këto që nisin që të dyja në orën 19:00.
Dje
Dinamo-Laçi, 2-1
Sot
Partizani-Bylis, ora 19:00
Skënderbeu-Egnatia, ora 19:00
Nesër
Elbasani- Vllaznia, ora 19:00
Teuta-Tirana, ora 19:00
