Java e 12-të e kampionatit “Abissnet Superiore” nis sot me dy duelet e para, Egnatia-Tirana dhe Vllaznia-Skënderbeu. Sfida e parë luhet në orën 14:00, me kampionët në fuqi të Egnatias që presin në shtëpi Tiranën. Një ndeshje interesante ku të dyja ekipet kërkojnë rikthimin te fitorja në kampionat.
Ndërkohë, në orën 17:00 të pasdites do të luhet edhe çifti tjetër ndeshja Vllaznia – Skënderbeu ku kuqeblutë presin në stadiumin “Loro Boriçi”, Skënderbeun. Kuqeblutë me oresk për të ecur në gjurmët e fitores së javës së kaluar ndaj Tiranës, dhe nga ana tjetër korçarët synojnë të lënë pas humbjen me Partizanin dhe të rikthehen te rezultatet pozitive.
Java e 12-të e kampionatit “Abissnet Superiore” mbyllet të hënën me tre sfidat e fundit. Bylis – Laçi është takimi i parë i ditës që do të luhet në stadiumin “Adush Muça”, në orën 14:00. Dy ndeshjet e fundit do të zhvillohen në orën 18:00. Partizani pret në “Arenën e Demave” Teutën, ndërsa në “Elbasan Arena”” do të luhet superdueli AF Elbasani – Dinamo City.
Kalendari i ndeshjeve të Abissnet Superiore – Java 12
Sot
Egnatia-Tirana 14:00
Vllaznia-Skënderbeu 17:00
Nesër
Bylisi-Laçi 14:00
Partizani-Teuta 18:00
AF Elbasani-Dinamo City 18:00
