E nisur dje me ndeshjen Elbasani-Egnatia, e cila u mbyll në barazim 0 me 0, java e 29-të e kampionatit “Abissnet Superiore” vijon sot me tre duele të tjera: Bylis – Flamurtari, Teuta – Partizani, Vllaznia – Dinamo City.
Bylis do të përballet me Flamurtarin në një sfidë ku të dyja skuadrat synojnë maksimumin e pikëve. Takimi është planifikuar të zhvillohet në ora 15:00, në stadiumin “Adush Muça”.
Dy takimet e tjera të ditës së sotme luhen në të njëjtën orë, duke filluar nga 18:00. Në stadiumin “Loro Boriçi”, Vllaznia kryesuese pret Dinamo City-n, ndërsa Partizani do të udhëtojë drejt Durrësit për t’u përballur në stadiumin “Niko Dovana” me Teutën.
Ndeshja e fundit që mbyll javën e 29-të të Superiores është planifikuar të luhet të dielën e 22 marsit, me ndeshjen mes Tiranës dhe FK Vorës, që do të zhvillohet në stadiumin “Selman Stërmasi”, në ora 15:00.
Kalendari i Javës së 29-të të Superiores
Dje
AF Elbasani – Egnatia, 0-0
Sot
Bylis – Flamurtari(15:00)
Vllaznia – Dinamo City(18:00)
Teuta – Partizani(18:00)
Nesër
Tirana – FK Vora(15:00)
