Abissnet Superiore do të zhvillojë dy ndeshje të javës së 21-të të saj. Të dyja takimet e parashikuara për t’u zhvilluar ditën e sotme do të startojnë në 13:00.
Laçi pret Egnatian në stadiumin e “Laçit”. Rrogozhinasit vijnë pas 5 javësh pa fitore dhe ndaj kurbinasve synojnë të bëjnë kthesën. Nga krahu tjetër bardhezinjtë kërkojnë të vazhdojnë me ecurinë pozitive. Vetëm 2 pikë i ndajnë dy ekipet mes tyre dhe sfida e sotme është një mundësi për të lënë prapa në renditje një kundërshtarë.
Nga ana tjetër luan Kukëksi-Kastrioti në të njëjtën orë. Verilindorët në “Kukës Arena” do të synojnë 3 pikët ndaj një kundërshtari direkt për mbijetesën. Rrahman Hallaçi nuk “toleron” më gabimet pas humbjes në Shkodër, ndërsa krutanët do të kërkojnë të mos dalin pa pikë nga transferta kuksiane.
