Akademia e Futbollit Vllaznia ka zgjedhur trajnerin më të mirë të fazës së parë për grupmoshat U16-U17-U18-U19. Ai është Arbër Shytani, përzgjidhjA e të cilit është bërë përmes një votimi online organizuar nga KF Vllaznia.
Nga votimi që është realizuar, Shytani ka marrë 33% të votave, duke u vlerësuar për punën dhe përkushtimin me ekipin U17.
Në votimin për përzgjedhjen e trajnerit më të mirë të fazës së parë kanë qënë katër trajnerë të Akademisë Futbollit Vllaznia: Denis Zmijani i kategorisë së moshës U16, Arbër Shytani U17, Marvin Macerovi U18 dhe Elvis Plori U19.
Sipas të dhënave që afron zyrtarisht Akademia Vllaznia, Arbër Shytani ka marrë 33 përqind të votave duke u shpallur fitues si trajneri më i mirë për fazën e parë të futbollit të moshave.
I dyti në renditje është Malvin Macerovi i Vllaznia U18, i cili ka marrë 29 përqind të votave. Në vend të tretë është renditur Denis Zmijani Vllaznia U16 me 25 pëqind të votave dhe në vend të katërt Elvis Plori Vllaznia U19 me 13 pëqind të votave.
