Armando Broja gjen golin e parë në karrierë me fanellën e Chelsea-t, Sulmuesi 21-vjeçar mori topin mbi vijën e zonës, lëvizi mirë dhe e dërgoi në rrjetë me një goditje perfekte, duke vulosur rezultatin 3-0 ndaj Wolves.
Pikërisht në “Stamford Bridge”, para tifozerisë londineze, sulmuesi i talentuar i Kombëtares Shqiptare gjeti edhe golin historik, të parin me fanellën e Chelsea-t, skuadër me të cilën është bashkuar që në 2009-ën, duke kaluar të gjithë etapat. Ky është goli i parë sezonal në Premier League për Brojën, që ka luajtur kryesisht duke ardhur nga stoli, ashtu si sot ndaj Wolves, ndërsa Chelsea triumfoi me rezultatin 3-0.
Në fjalën e tij pas ndeshjes e ka të vështirë të përmbajë emocionet.
“Është gjithmonë një pritje kur arbitrat kontrollojnë për një pozicion jashtë loje të mundshëm. I mbaja gishtat të kryqëzuar, por mendova se e kisha matur mirë hapin tim. Faleminderit tifozëve për mbështetjen. Ishte joreale, kam pritur për golin tim të parë. Është një moment surreal. Nuk mund ta përshkruaj me fjalë. Të gjithë e dinë se në një nga klubet më të mëdha në botë do të ketë konkurrencë. Kjo na ndihmon të gjithëve të zhvillohemi si lojtarë. Ne kemi një skuadër të madhe, të gjithë duhen në çdo kohë” – Tha ai.
