Vllaznia për meshkuj dhe Skënderbeu për femra, janë dy ekipet kampionë në atletikë për të rinjë në sezonin 2021-2022. Të dy ekipet në fjalë që drejtohen nga kryetrajnerët, Albert Marashi i Vllaznisë dhe Juxhin Çili i Skënderbeut përsërisin suksesin e një viti më parë kur u shpallën kampionë. Madje, për ekipin kuqeblu të Vllaznisë, ky është titulli i 14-të radhazi, po aq sa ka fituar edhe me ekipin e të rriturve duke treguar supremacinë ndaj të gjitha ekipeve të tjera.
Duke folur për trofeun e fundit, kryetrajneri Albert Marashi, suksesin në fjalë dëshiron ta ndajë edhe me kolegët e tjerë trajnerë të Vllaznisë, Bruno Rrotani, Dorjan Tafa, dhe Jetmir Jahaj.
“Ekipi atletikes Vllaznia shpallet Kampion Kombëtarë për të Rinj me 116 pikë! Suksesi i 14-te radhazi! Urime për të gjithë sportistët që kurorëzuan punën e tyre me rezultatet e arritura! Përgëzime për të gjithë trajnerët, koleget e mi, Bruno Rrotani, Dorjan Tafa, Jetmir Jahaj.
Një falenderim shkon edhe për Bashkinë Shkodër, Drejtorinë e Kulturës dhe Sporteve, për mbështetjen e vazhdueshme që i kanë dhënë ekipit të atletikes Vllaznia.
Gjithashtu, një falenderim edhe për Federaten Shqiptare të Atletikës për mbështetjen e vazhdueshme!”, shprehet shumë iu emocionuar pas suksesit të arritur, professor Marashi.
Atletët kampionë të Vllaznisë në Kampionatin Kombëtar për të Rinj
200m-Leandro Çardaku 22”77
110 m/pengesa-Genald Selhanej 16”53
Kërcim së gjati-Glenis Haxhiaj 6.78m
Kërcim 3-hapësh-Kolindo Kiri,14.30m
4x100m-Leandro Çardaku, 44”53
Kolindo Kiri, Glenis Haxhiaj, Genald Selhanej. Përgëzime edhe për atletët që ndihmuan në shpalljen Kampion të ekipit: Erdi Duka, Rigers Haxhiaj, Serdar Cungu, Nikolas Ndoja, Aiden Mjeda, Elizeo Spathari, Mario Cepi, Sidrit Kopliku, Renis Jasini, Ali Limani, Ejad Bajrami.
Kampionati Kombëtar i atletikes për të rinj i zhvilluar të martën në stadiumin “Loro Boriçi” të Shkodrës është i dyti radhazi që zhvillohet në harkun kohor të dy muajve, pas kupës së Shqipërisë për të rritur, duke dëshmuar vlerësimin që drejtuesit e Federatës Shqiptare të Atletikës kanë për këtë impiant sportiv, në të cilin pritet të organizojnë edhe aktivitete të tjera të rangut kombëtar dhe ndërkombëtar.
Për vlerat e Vllaznisë kampione, traditën e këtij qyteti në atletikë, si dhe
cilësinë dhe kushtet bashkëkohore që afron stadiumi “Loro Boriçi”, sekretari dhe presidenti i Federatës Shqiptare të Atletikës, Nikolin Dionisi dhe presidenti, Gjergj Ruli, dhanë mbështetjen e duhur që në periudhën në vazhdim në këtë impiant sportive të planifikohen të tjera aktivitete me karakter kombëtar dhe ndërkombëtar.
