Prononcimi i trajneri të Flamurtarit, Karlos Garsia, pas ndeshjes me Bylisin, 3-3
“Në një ndeshje që shkon 100 minuta, jam i kënaqur me disa pjesë të saj, ka disa gjëra që më pëlqejnë si i përgatitëm. Por duhet të jemi më të qëndrueshëm. Është e vërtetë që plotësuam ekipin në ditët e fundit, e kam thënë që duhet të ndërtojmë ekipin fillimisht. Kjo është puna ime, duhet të tregojmë personalitetin tonë, si duam të jetë. Nuk është mjaftueshëm për mua, por edhe për ekipin ky barazim.
Fillimisht mentaliteti ynë si ekip duhet që të jemi në çdo ndeshje në fushë për të fituar. Pastaj, kur luan kundër ekipeve të forta, që ishin më lart vitin e kaluar, ndoshta duhet të vuajmë më shumë. Por mentaliteti duhet të jetë që të fitojmë çdo ndeshje, nuk mund të jemi të kënaqur me një pikë. Nëse ne vuajmë ndaj ekipeve më të forta e barazojmë, duhet të jemi të kënaqur, por jo me skuadra që mbrohen 88 minuta, nuk mund të jemi të kënaqur.
Në ndeshjen ndaj Elbasanit, kundërshtarët bënë tre raste e dy ishin me gabimet tona, sot pësuam tre gola. Nuk duhet të jemi të kënaqur me mënyrën si mbrojtëm sot, por nuk është problemi. Duhet të jemi me balancë, se me Elbasanin mbajtëm topin. Duhet balancë për të fituar ndeshje.
Ka shumë mënyra për të mbrojtur, njerëzit luajnë në mënyrë të pistë, por unë dua të mbrohem me gol, nëse shënojmë gol. Për mua nuk është ide të luajmë shëmtuar. Ai goli që pësuam në 2-1 erdhi shpejt, apo edhe në minutën e parë të pjesës së dytë. Ne nuk duhet të ulim intensitetin, kur jemi të fokusuar, jemi një ekip i mirë. Ndaj duhet të vazhdojmë me mënyrën e përqendrimit maksimal.
Për mua vlerat e “Transfermarkt” janë diçka në ajër, mua më pëlqejnë gjërat që mund të prekësh, faktet. Jam i kënaqur me ekipin, kemi lojtarë të mirë. Unë i shoh me atë që shoh në ndeshje, jam i kënaqur me ta. Gjërat nuk po shkojnë siç duam se duhet të stërvit më mirë, por jam i kënaqur me ta. Ndoshta është diçka për të ndihmuar, por nuk është diçka e rëndësishme për mua”, tha Garsia për RTSH pas fundit të sfidës.
