Prononcimi i trajnerit të Partizanit, Mlladen Milinkoviç, pas ndeshjes, Partizani-Teuta, 0-0
“Urime për pikën? Jo, kur luan në shtëpi e nuk fiton, nuk është për të marrë urime.
Ndryshe pas pauzës? Uroj që të ndodhë se nuk jam i lumtur që nuk fituam, por jo edhe shumë i zhgënjyer sepse në dy ndeshje radhazi kemi ruajtur portën e paprekur dhe është e rëndësishme për ekipin. E dinim para ndeshjes që do të ishte ndeshje e vështirë dhe mendoj se nuk ishte ndeshje aq e bukur, jo shumë futboll. Ka dy arsye. E para ndoshta se Teuta a na ka parë dhe na vendosi nën trysni. Pastaj është pak e vështirë që të luash në një fushë të tillë e të ndërtosh nga mbrojtja. Kjo është diçka që e pritnim para ndeshjes. Por gjithashtu shpresojmë e presim që të kemi disa momente. Sot kemi humbur dy raste të mira për ne. Ua thashë lojtarëve ai që nuk do të bëjë gabime sot, do të marrë tre pikët. Por kjo ndodhi. Padyshim nuk kemi sulmuesit në formë, Skuka nuk është gati, na mungon Bintsuka që është një lojtar i rëndësishëm për ekipin. Pres që me pushimin të kemi më shumë kohë për të përgatitur ekipin të jetë në formë më të mirë fizikisht, por edhe të shënojë. Nëse do të synosh titullin, duhet të shënosh gola.
Kjo nuk është mënyra e lojës që preferoj. E kam thënë që skuadra dua të luajë futboll më të pastër, pasime të shkurta, të ndryshojë krahët, me top direkt. Por nuk deshëm te rrezikonim shumë, nuk jemi mirë fizikisht, jo në nivel. Teuta ka sjellë lojtarë të mirë, por nuk kishim mundësinë t’i shihnim këta lojtarë. Unë kam ndjekur futbollin shqiptar, i njoh lojtarët vendas dhe cilësinë e tyre, ndaj vendosëm të luajmë pa rreziqe. Shpresoj që ky të mos jetë stili që të na identifikojë ne.
Arsyeja që e ndërruam është se luajti më shumë minuta se në ndeshjen e parë. Por shpresojmë që pas pauzës, ta marrim në konsideratë se është i rëndësishëm. Por Buxhelajn e futem se është i shpejtë, krijon probleme. Jemi të kënaqur, ai erdhi në lojë dhe kishte mundësi të mira, ai ndoshta vendosi gabim se ishte në pozicion të mirë të shënonte, se ka aftësi.
Da Silva është lojtar me klas. Patjetër që në pankinë në ato momente nuk kishim lojtarë me tipare të ngjashme. Në ndeshje të tilla mbase ishte momenti i Buxhelajt.
Bari artificial? Mendimi im i sinqertë është se mendoj se fusha artificiale nuk është për futboll, kemi ekipet më të mira në Europë dhe asnjë nga ata nuk luan në fushë me bar artificial. Por presidenti na dha mundësinë dhe ndoshta pas pushimit të shkojmë të luajmë me bar. Por nëse stërvitesh në çdo seancë kështu dhe pastaj luan në bar, rrezikon dëmtimet. Pastaj kur nuk luan në fushën tënde, humb diçka nga atmosfera”, tha Milinkoviç për RTSH pas ndeshjes.
