Partizani dhe Vllaznia kanë luajtur ditën e sotme sfidën e vlefshme për javën e parë të Superiores. Ndeshja e zhvilluar në “Arenën e Demave” përfundoi me fitoren 0-1 të shkodranëve. Pas ndeshjes, trajneri i Vllaznisë, Thomas Brdaric, u shpreh për RTSH:
“Partizani është një nga ekipet më të mira dhe ne luajtëm jashtë shtëpisë sonë. Ishim të bashkuar dhe kjo është një nga gjërat kryesore kur ne luajmë jashtë. Ne kemi lojtarë kompetitivë. Nuk mundësh të krahasosh sezonin kur unë fillova këtu dhe këtë sezon, por përsëri te Vllaznia kemi objektiv, sepse është një klub i madh.
Duhet të punojmë shumë për të pasur sukses. Kishte shumë gjëra që më pëlqyen sot dhe duhet të vazhdojmë me këtë. Duhet të punojmë te gjërat bazike, për të pasur presing të mirë. Dhe duhet të përmirësojmë pjesën e sulmit në mënyrën se si duhet të luajmë futboll”, u shpreh Brdaric.
