Bylis ka startuar mirë javën e parë të kampionatit, duke mundur me shifrat 2-0 Kastriotin në Ballsh. Vetëm 5 ditë në krye të pankinës së Bylis, trajneri Bellaj e nis me fitore aventurën e tij të re. Nigeriani Anthony Beji realizoi golin e parë (66′). Vendasit shënuan edhe golin e qetësisë dy minuta më vonë me anë të Luis Kaçorrit.
Vlen të theksohet se Kastrioti pati vetëm 4 lojtarë në stol, pasi nuk ka mundur të federojë asnjë prej blerjeve të reja. Merkatoja e krutanëve është e bllokuar, për shkak të detyrimeve të pashlyera ndaj ish mbrojtësit Edi Bojom.
