Bylis-Skënderbeu 0-3(Shënues: Nasr 23′, 32′, Lukinja 80′)
Skënderbeu fiton derbin e mbijetesës përballë Bylisit dhe merr një fitore që rrit shanset për të qëndruar mes më të mirave të Shqipërisë. Korçarët dominojnë sfidën dhe triumfojnë 3-0 në transfertë përballë një rivali direkt.
Nasr është protagonisti i takimit në pjesën e parë, duke shënuar dy gola në portën e Bylisit. Vendasit nuk arrijnë që të reagojnë, madje në pjesën e dytë janë sërish korçarët që shënojnë me Lukinjas, që vulos përfundimisht fatin e kësaj ndeshjeje.
Pas fitores përballë Egnatias një javë më parë, Skënderbeu merr një tjetër trepikësh të artë në kampionat dhe tashmë ngjitet në kuotën e 26 pikëve në tabelën e klasifikimit. Mbijetesa në Abissnet Superiore nuk është më një utopi dhe tashmë skuadra e Gjokës ka filluar që të besojë tek qëndrimi në elitë.
Zhgënjen Bylisi, që nuk arrin që të mposhtë në shtëpi një rival direkt dhe tashmë komplikohet sërish situata në tabelën e klasifikimit. Mallakstriotët mbeten në kuotën e 28 pikëve, vetëm 2 pikë larg vendit të fundit.