Dy gola vendosin ndeshjen, Elbasani e Dinamo ndajnë pikët

Barazim 1-1 i Elbasanit ndaj Dinamos në sfidën e javës së 30-të, të luajtur në “Elbasan Arena”.

Bregu vendosi që në minutën e 7-të në provë portierin Abalora, e menjëhershme përgjigja e “gardianit”, që priti sferën. Për të ardhur te zhbllokimi i sfidës, një top i nisur nga krahët përfundon te Karamaba, i cili i dhuroi epërsi dinamovitëve me një goditje tokazi në minutën e 39-të.

Në pjesën e dytë, skuadra nga Elbasani u hodh në sulm për golin e barazimit dhe e gjeti atë, gjatë zhvillimit të një  goditje këndi në minutë e 71-të. Nga fare pranë portës, me kokë, Musta u tregua i saktë, duke ndëshkuar kundërshtarin.

Pas këtij barazimi, Elbasani mban gjallë shpresat për “Final 4”, me 37 pikë në vendin e 5-të, 7 pikë larg Partizanit që mban vendin e katërt. Në krahun tjetër, me 51 pikë, Dinamo renditet e dyta.