Nuk ka pushim për skuadrat e Kategorisë së Parë, që në mesjavë do të zbresin në fushë për të luajtur ndeshjet e javës së 10-të të kampionatit.
5 ndeshje të javës së 10-të do të luhen të mërkurën në orën 14:00, ndërsa takimi Flamurtari-Lushnja do të zhvillohet të enjten në po të njëjtën orë.
Kukësi-Besa është sfida që do të transmetohet të mërkurën në RTSH 2, ndërsa të enjten në ekran do të vijë ndeshja Flamurtari-Lushnja.
Vora-Burreli, Valbona-Kastrioti, Korabi-Pogradeci dhe Apolonia-Erzeni janë ndeshjet e tjera të javës së 10-të të Kategorisë së Parë.
