Tirana-Egnatia 0-1(Shënues: Bakajoko 27’)
Ka mjaftuar një gol i Egnatias shënuar me penallti nga Bakajoko në të 27-tën minutë që Egnatia të fitojë në transfertë ndaj Tiranës me rezultatin 0 me 1.
Sfida e luajtur pasditen e sotme në stadiumin “Selman Stërmasi” të kryeqytetit ishte e rëndësie të veçantë për Tiranën e cila po kalon një krizë rezultatesh duke mbyllur tabelën e klasifikimit me vetëm 7 pikë. Po ashtu, edhe për kampionët në fuqi të Egnatias, ku me tre pikësh në këtë ndeshje merrnin kreun e renditjes.
Dhe, ashtu ndodhi, me tre pikështin e marrë sot, Egnatia e drejtuar nga Edlir Tetova, e sheh veten në krye të tabelës së klasifikimit me 25 pikë, aq sa ka edhe Elbasani i vendit të dytë.
Ndërkohë, humbja e pësuar dje në “Loro Boriçi” me Teutën bën që Vllaznia të zbresë në vendin e tretë me 24 pikë.
