Rrogozhinasit triumfuan minimalisht në transfertë ndaj Flamurtarit,në ndeshjen e javës së 23-të.
Kampionët në fuqi iu falën një goli të shënuar nga Bakajoko në startin e pjesës së dytë,pasi pjesa e parë u mbyll me rrjeta të paprekura.
Skuadra e teknikut Françesko Moriero tentoi të reagonte por portieri Dajsinani i mohoi golin në dy raste mbrojtësve Trashi dhe Peralta.
Kuqezinjtë tashmë e shohin veten gjithmonë e më keq teksa mbeten të fundit në renditje.
Me këtë fitore Egnatia mban vendin e tretë me 42 pikë,ndërsa Flamurtari renditet në vendin e fundit me vetëm 19 pikë dhe rrezikon mbijetesën.
Fatos LAMAJ
