Ndeshja e javës së 13-të të Superiores mes Elbasanit dhe Partizanit është mbyllur pa gola, në një përballje të zhvilluar në stadiumin “Elbasan Arena”.
Të dyja skuadrat krijuan mundësi për shënim, por mungesa e saktësisë në finalizim bëri që rrjetat të mbeteshin të paprekura deri në fund. Në këtë mënyrë, verdheblutë dhe të kuqtë, bëjnë paqe me një rezultat të barabartë.
Me këtë rezultat, Elbasani siguron një pikë të rëndësishme që e mban në krye të renditjes me 25 pikë. Ndërkohë, Partizani, që numëron 14 pikë pas 13 javësh, renditet në pozicionin e gjashtë duke mos arritur të marrë maksimumin në këtë transfertë.
