Adrion Pajaziti luajti ndeshjen e parë në “Arenën Kombëtare” me fanellën kuqezi përballë tifozëve shqiptare. Mesfushori u aktivizua nga stoli në triumfin 3 me 0 që Shqipëria arriti në shtëpi ndaj Andorrës.
“Jam ndjerë shumë krenar dhe shumë i lumtur. Kam pritur pak kohë për këtë moment. Moment i mirë shumë, lutesha që të më thërriste trajneri. Çdo lojtar ka qejf të luajë, unë jam gati të jap maksimumin.
E kam besimin e trajnerit. I kam bërë dy paraqitje të mira në këto 2 ndeshje. Jam gati, gjithmonë. Kam qenë edhe në tetor, i kam njohur çunat, janë shumë grup i mirë, më kanë bërë të ndihem shumë mirë”, u shpreh Pajaziti për “Supersport”.