Kampionatit Kombëtar të futbollit për Kategorinë e Dytë po i vjen fundi. Kur kanë mbetur edhe 90-të minuta për t’u luajtur për llogari të fazes së dytë, dy janë enigmat që kanë mbetur akoma pa u zgjidhur në grupin A.
Iliria dhe Luzi 2008, ekipe këto që kryesojnë tabelën e klasifikimit me 54 dhe 53 pikë, janë në garë se cila prej tyre do të shkojë direkt në kategorinë e parë. Rezultatet e ndeshjeve të javës së fundit, Adriatiku-Iliria dhe Naftëtari-Luzi 208, do të përcaktojnë gjithçka për fatin e vendit të parë. Po ashtu, java e fundit do të përcaktojë edhe skuadrën e vendit të pestë që i bashkohet katër të tjerave në vazhdimin e garës Ploay Off.
Referuar javës që lamë pas, fushëkrujasit e drejtuar nga trajneri lezhjan Dritan Smajli, mundën në javën që lamë pas Basanian me rezultatin 3-0, ndërkohë që Luzi 2008 mundi Besëlidhjen me rezultatin 3-1
Për Basanian nuk paraqet ndonjë problem, humbja me Ilirinë, pasi përpos pretendimeve që kishte në fillim të kampionatit për të synuar të parën, rreziku i mbijeteses, që për një moment e kërcënoi, tashmë ka kaluar dhe duke u pozicionuar në vendin e dhjetë me 20 pikë është komode në tabelë.
Fitorja e Sopotit në shtëpi ndaj Naftëtarit 2-1 dhe barazimi i Tërbunit në transfertë me Albanët 2-2 i ka lënë dy skuadrat përkatëse në vendin e tretë dhe të katërt, duke siguruar përfundimisht pjesëmarrjen në fazën Play Off.
Vendi i pestë është ai që mban për momentin pezull skuadrën që shkon në Play Off. Fitorja e Veleçikut në transfertë me Gramshin 0-3 duke përfituar nga humbja e Besëlidhjes po në transfertë me Luzin 2008 3-1, ka bërë që koplikasit të ngjiten në vendin e pestë me pikë të barabarta me Besëlidhjen e vendit të gjashtë.
Pika e marrë ndaj Tërbunit nuk i ka vlejtur ekipit Albanët duke mbetur në vendin e shtatë me 24 pikë. Ndërkohë Naftëtari, me humbjen e pësuar në Librazht 2-1 dhe Adriatiku që fitoi në transfertë me Murlanin 3-8, janë në kuotën e 22 pikëve duke mbajtur vendin e tetë dhe të nëntë.
Poshtë Basanias së vendit të dhjetë me 20 pikië është Gramshi, që me humbjen e pësuar në shtëpi me Veleçikun mberi në kuotën e 14 pikëve dule lënë të fundit Murlanin e Barbullushit, skuadra e parë që ka zyrtarizuar rënien në kategorinë e tretë.
Rezultatet e Javës 21, Grupi A
Murlani 3 – 8 Adriatiku
Albanët 2 – 2 Tërbuni
Gramshi 0 – 3 Veleciku
Luzi 2008 3 – 1 Besëlidhja
Sopoti 2 – 1 Naftëtari
Iliria 3 – 0 Basania
Kalendari i Javës së 22-të
Adriatiku-Iliria 15:00
Naftëtari-Luzi 2008 15:00
Besëlidhja-Gramshi 15:00
Veleçiku-Albanët 15:00
Tërbuni-Murlani 15:00
Basania-Sopoti 15:00
Fatos LAMAJ