Kombëtarja shqiptare mbylli përgatitjet në stadiumin ‘Air Albania’ për sfidën e rëndësishme ndaj Çekisë, takim i vlefshëm për kualifikueset e Kampionatit Europian ‘Gjermani 2024’.
Pas konferencës zyrtare për media, ekipi doli në fushë dhe u stërvit për rreth një orë. Përveç Armando Brojës, e gjithë skuadra u stërvit së bashku, teksa ekipit iu bashkua edhe mesfushori Klaus Gjasula. Stërvitja e fundit nuk ka pasur shumë ngarkesa fizike, me stafin teknik që e fokusoi më shumë seancën në ushtrimet me topin dhe situata të ndryshme loje.
Sa i përket gjendjes së Armando Brojës, stafi mjekësor ka dalë në përfundimin se sulmuesi nuk mund të jetë i gatshëm për takimin ndaj Çekisë pas një shqetësimi fizik.
Shqipëria do të luajë sot ndaj Çekisë në stadiumin ‘Air Albania’, me takimin që është programuar të nisë në ora 20:45.
(Video) Pamje nga seanca e fundit stwrvitore e kombëtares shqiptare në stadiumin ‘Air Albania’ për sfidën e rëndësishme ndaj Çekisë.
