Futboll Klub Kukësi njofton se Fatjon Tafaj është zyrtarisht trajneri i ri i skuadrës. Tekniku 42-vjeçar ka arritur akordin me klubin, duke firmosur për dy sezone e gjysmë.
Tafaj ka qenë pjesë e klubit të Kukësit në sezonin 2016-2017, kur skuadra jonë fitonte titullin kampion si edhe në sezonin 2018-2019, ku Kukësi fitoi Kupën e Shqipërisë. Asokohe, Tafaj ishte ndihmës trajner në staf me Ernest Gjokën, teksa rikthehet në Kukës si trajner i skuadrës së parë.
Ditën e sotme, Tafaj u prezantua para mediave nga administratori i Klubit, Florjan Biba.