Prononcimi i trajnerit tëi Elbasanit, Ivan Gvozdenoviç, pas fitores ndeshjes, Flamurtari-Elbasani 1-2
“Ishte fitorja e tretë radhazi dhe e dyta në kampionat, jam shumë i kënaqur dhe krenar për çunat. Edhe si lojtar kur isha me Skënderbeun, atmosfera këtu është zjarr. Isha përgatitur për lojë me nerva. Rëndësi kanë 3 pikët. Ne jemi në vend të parë bashkë me Vllazninë. E kemi nisur fazën e katërt mirë, një fazë shumë e rëndësishme dhe shumë e fortë.
Janaçek është keq, çfarë dëgjova nga doktorët, me shumë mundësi e ka mbyllur sezonin, por do presim edhe pak për të konfirmuar.
Boje është lojtar shumë i mirë, por cilësitë më të forta i ka pa top dhe të sulmojë aftësitë boshe.
Kasa më parë aktivizohej si uinger, tani është nga e majta e mbrojtjes. Sot tregoi se ishte gati. Akoma kemi shumë ndeshje përpara, por do të fitojmë minuta dhe formë në ndeshjet e radhës.
Me gjuhën italiane nuk jam mirë. Ne nuk kemi frikë. Moment i vështirë për ne 7 minuta pas golit të Flamurtarit. Çunat e menaxhuan situatën shumë mirë. Flamurtari është shumë i fortë në Vlorë, ka cilësi brenda skuadrës, ka ekip për Superioren, nuk është kollaj të fitosh në Vlorë.
Është hera e katërt në vendin e parë, presion ka. E dimë si ta mbajmë presionin. Tani është më e vështirë, por ne do të luftojmë, ka edhe 8 javë. Dimë të menaxhojmë nervat dhe lojën, do të shikojmë në qoftë se do të vazhdojmë kështu.
