Flamurtari-Vllaznia 1-0(Shënues: Herald Marku 76’)
FLAMURTARI: Aleksovski, Skuadrone, Kantakias, Marku, Ramirez, Murataj, Nunez, Diavara, Trashi, Bolzan, Maksuti. Trajneri: Françesko Moriero
VLLAZNIA: Pohls, Gurishta, Gjini, Pusi, Jago, Krymi, Sala, Kastrati, Kallaku, Mala, Balaj. Trajneri: Edi Martini
Arbitër kryesor: Florjan Lata
Flamurtari mori fitoren e parë në Superiore. Vlonjatët triumfuan minimalisht ndaj Vllaznisë, në duelin e vlefshëm për javën e nëntë.
Sfida nisi e bukur dhe me raste në të dyja portat. Trashi kërkoi penallti në minutën e 7-të, pas një rrëzimi në zonë, ndërsa Vllaznia reagoi me Kastratin në minutën e 13-të,por gjuajtja e tij nuk kishte saktësinë e duhur.
Në minutën e 40-të, portieri i Flamurtarit i mohoi avantazhin Kallakut me një pritje vendimtare. Bolzan kishte tre raste të mira para mbylljes së pjesës së parë për vlonjatët, por nuk shënoi dot.
Me barazimin 0-0, skuadrat shkojnë dhomat e shveshjes për puhimin mes dy pjesëve, për t’u kthyer në fraksionin e dytë me bregdetarët më kërkues. Pohls me dy pritje vendimtare, u mohoi avantazhin vendasve. Në lartësinë e duhur u shfaq edhe portieri i Flamurtarit, me dy pritje të bukura ndaj Balajt dhe Malës.
Ndeshja u zhbllokua në minutën e 76-të. Vlonjatët shënuan nga aksioni,por arbitri anuloi golin, pasi më herët kishte akorduar penallti për Flamurtarin. Nga pika e bardhë, është një ish i Vllaznisë si Herald Marku që nuk zhgënjeu duke shënuar golin e avantazhit për vlonjatët.
Gol që feston e gjithë skuadra dhe tifozëria vlonjate me përjashtim të Herald Markut, i cili me duart lart kërkon të respektojë ish skuadrën e tij Vllaznia.
Rezultati nuk ndryshoi deri në fund dhe Flamurtari festoi fitoren e parë. Pavarësisht suksesit, Flamurtari mbetet në vendin e fundit me vetëm pesë pikë, ndërsa Vllaznia vazhdon në krye me 19 pikë.
Fatos LAMAJ
