Fotoja në fjalë është shkrepur mbrëmjen e sotme në mjediset e FSHF-së, menjëherë pas mbylljes së ceremonisë së shpalljes së më të mirë të futbollistëve të grupmoshave përkatëse.
Në qëndër të fotos është drejtori i Akademisë së Futbollit Vllaznia, Alban Hasani, i rrethuar nga plot 9 futbollistë kuqeblu, të cilët u vlerësuan në kategoritë e ndryshme konkuruese të moshave.
Ato janë:
Vllaznia U15: Portjeri Rei Shpuza, mbrojtësi Nikolas Gjoni, mesfushori Sebastian Gjeka.
Vllaznia U16: Mesfushorët Orges Halili dhe Eris Kurtulaj.
Vllaznia U17: Mesfushori, Arkan Nikaj.
Vllaznia U19: Sulmuesi Xhesild Kapllanaj.
Vllaznia U21: Mbrojtësi Gledjan Pusi, mesfushori Ensar Tafili.
Prania e këtyre nëntë futbollistëve të Akademisë së Futbollit Vllaznia në listën e më të mirëve të kampionateve kombëtare të moshave të kategorisë Superiore për sezonin 2024-2025, është tregues i punës së përkushtuar dhe profesionale që stafet teknike të grupmoshave përkatëse bëjnë me futbollistët që kanë në dispozicion.
Gaspër MARKU
