FSHF-Programi zyrtar i pragndeshjes Shqipëri-Andorra

Futbollistët e kombëtares kuqezi si dhe stafi që e shoqëron, kanë lënë Anglinë, ku mbrëmjen  e së premtes luajten ndeshjen e parë kualifikuese duke u mundur 2-0, dhe tashmë janë kthyer në Tiranë.

Në pritje të ndeshjes së radhës, atë ndaj Andorrës që do të luhet mbrëmjen e së hënës së ardhshme në “Arena Kombëtare” duke nisur nga ora 20:45, zyra e shtypit pranë Federatës Shqiptare të Futbollit bën me dije programin e përgatitjes së kësaj sfide.

“Nesër (e diel) ora 16:45, në sallën e konferencave të stadiumit “Arena Kombëtare” do të zhvillohet konferenca zyrtare e Kombëtares me trajnerin Silvinjo & një futbollist para ndeshjes me Andorrën.

Në orën 17:30 do të nisë seanca zyrtare stërvitore me 15 minutat e para që do të jenë të hapura për median.

Ndërsa, Andorra do të zhvillojë konferencën zyrtare në ora 18:15 po në stadiumin “Arena Kombëtare” dhe seancën stërvitore në ora 19:00.  Ju mirëpresim!”, citohet në njoftimin zyrtar të FSHF-së

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu