Partizani-Vllaznia 0-2(Shënues: Doçi 3′, Ramadani 80′)
Kartonë të verdhë:Xheçi 83′,Kotarja 83’/Mustafaj 63′
Partizani:Spaho,Dedgjonaj,Ferreira,Dias,Mema,Silva(Santos 90+3′),Lopes(Simoni 69′),Kadriu(Koka 90′),Metalla,Kotarja,Xheçi Trajner:Aurora Seranaj
Vllaznia:Kosta,Curraj(Vrucaj 90+8′),Vuksani,Ahamadi(Mustafaj 46′),Berisha(Mustard 46′),Borçi,Ramadani,Doçi,Franja,Presli(Caka 90+3′),Xhons(Fernandes 88′) Trajner:Nikolin Leka
Gjyqtarë:Emanuela Rusta(Elbasan),Ediena Kapxhiu(Durrës),Blerina Halilaj,Kejsi Tafili(Tiranë) Delegat:Endi Hyka(Tiranë)
Partizani i futbollit të femrave e drejtuar nga Aurora Seranaj është ndalur në javën e 6-të përballë Vllaznisë së trajnerit Nikolin Leka. Një pjesë e parë e balancuar mes të dyja skuadrave por diferencën e bën goli i minutës së 3-të nga Megi Doçi e cila u tregua e saktë me një goditje nga distanca duke mposhtur portieren Klesta Spaho të Partizanit.
Pas golit gjithçka kontrollohet mirë nga lojtaret e të dyja skuadrave duke e mbyllur pjesën e parë me rezultatin 0-1 në favor të Vllaznisë. Pjesa e dytë do të prodhonte një mori rastesh për të dyja skuadrat si për Partizanin ku u dallua futbollistja Silva e cila ishte rreziku numër një i Vllaznisë por pa harruar edhe lojtaret e Vllaznisë ku do të veçoja Ramadanin,Borçin,Doçin por edhe kapitenja Franja e cila ishte e saktë me të gjitha krosimet por dhe me lojën e saj.
Goli i dytë do të vinte në minutën e 80-të kur Ramadani do të lëshonte një tjetër predhë nga distanca me topin që shkon në formën e parabolës drejtë e në rrjetë. Ajo çfar vlen për tu theksuar është se takimi në stadiumin “Arena e Demave” u ndërpre për 11 minuta pasi pas një përplasje mes Mustafaj të Vllaznisë dhe Lopes të Partizanit, kjo e fundit ka pësuar një dëmtim serjoz në pjesën e fytyrës gjë që detyron kryesoren Emanuela Rusta të kërkoj futjen e autoambulancës në fushë për të transportuar drejtë spitalit futbollisten braziliane. Në pritje të ambulancës tjetër jan dashur plotë 11 minuta.
Në fundin e kohës së rregullt jan akorduar 11-të minuta shtesë por që nuk ndryshuan asgjë. Vllaznia merr fitoren e 6-të radhazi në kampionat dhe kryeson e vetme renditjen me pikë të plota 18 pikë. Ndalet Partizani,që pas 4 fitoreve radhazi pëson humbjen e parë sezonale në kampionat.
Fatos LAMAJ
