Egnatia dhe Tirana nuk kanë shkuar më shumë se një barazim 1-1 në përballjen e javës së 30-të të “Abissnet Superiore.
Një ndeshje që prodhoi gjithçka në 90 minuta. Kartona të kuq, nga një për secilën skuadër: Ujka për Egnatia dhe Vera për Tiranën. Rrogozhinasit kaluan të parët në avantazh, në minutën e 36-të me anë të Sotës. Bardheblutë vendosën barazpeshën në fundin e pjesës së parë me Soler. Gjyqtari Xhaja në fund të sfidës akordoi dhe një 11-metërsh për skuadrën e Tiranësm, por që u anulua pas ndërhyrjes së VAR.
Me këtë barazim, Egnatia mbetet në krye të tabelës së klasifikimit me 54 pikë. Ndërkohë që me 31 pikë, Tirana parakalon Bylisin dhe shkon në vendin e 7-të, jashtë “zonës së ftohtë”.