Egnatia-Elbasani 1-1(Shënues: Xhefeërson 83’/Diallo 44’)
Një ndeshje shumë e bukur është zhvilluar në Rrogozhinë mes Egnatias dhe Elbasanit. Gola, kartonë të kuq dhe penallti të humbur në minutat shtesë. Një sfidë që i ka patur të gjitha, por në fund asnjëra nga skuadrat nuk ka arritur që të marrë trepikë. Mbyllet 1-1 një ndeshje e mbushur me emocione dhe grintë.
Elbasani mbyll pjesën e parë në avantazh, falë golit të shënuar nga Diallo. Vendasit reagojnë në pjesën e dytë dhe barazojnë shifrat me Xheferson.
Minutat e mbetura janë të mbushura me tension. Lulaj lë fushën para kohe për miqtë, ndërsa Fangaj dhe Xheferson ndëshkohen me karton të kuq për Egnatian.
Në minutën e 97-të episodi që mund të kishte ndryshuar fatin e ndeshjes. Elbasani fiton një penallti. Dajsinani pret goditjen e Loukilit, por është Lajthia ai që dërgon topin në rrjetë. Pas verifikimit në VAR goli anulohet.
Mbyllet në barazim një sfidë e bukur dhe e luftuar. Egnatia merr pikën e parë të sezonit, ndërsa Elbasani tregon se do të jetë një nga skuadrat pretendente këtë sezon.
