Elbasani-Laçi 1-0(Shënues: Gomes 72’)
Elbasani rikthehet te fitorja. Verdheblutë mundin 1-0 Laçin në “Elbasan Arena” dhe falë këtij trepikëshi ngjiten në krye të renditjes së “Abissnet Superiore” (në kuotën e 7 pikëve, po aq sa Partizani, Vllaznia dhe Egnatia).
Elbasani vuan përballë Laçit të vendit të fundit, por në fund arrin që të marrë tre pikë të arta, falë golit të shënuar nga Gomesh në pjesën e dytë. Vendasit luajnë më mirë në pjesën e parë, por nuk arrijnë që të gjejnë golin.
Miqtë janë më të rrezikshëm në fillimin e pjesës së dytë dhe portieri Abalora shpëton portën e Elbasanit në dy raste. Më pas vjen goli i Ze Gomesh, që vulos fatin e kësaj sfide dhe i jep një fitore të çmuar skuadrës së trajnerit Bordin.
