Hodo: “Të gjithë çunat kanë qenë të jashtëzakonshëm në këtë periudhë dhe dua t’i falenderoj”

Tirana është mposhtur në “Arenën Kombëtare” nga Teuta me rezultatin 1-0. Pas ndeshjes foli trajneri Bledar Hodo. Tekniku i durrsakëve deklaroi pas ndeshjes:

“E vetmja meritë është e të gjithë çunave. Kanë qenë javë shumë të vështira, të sikletshme, netë pa gjumë, stres, e rëndësishme që e mbyllën. Dua të falenderoj çunat.

Do vazhdoni te Teuta? E rëndësishme është që arritëm objektivin, ky është plani i dytë.

Në pjesë të parë, pothuajse nuk shkuam fare dhe nuk dolëm te loja jonë. Pastaj ndërruam sistem, mendoj në pjesë të dytë filluam të shfaqeshim më mirë. Por mendoj më shumë ishte ana psikologjike. Skuadra në trysni, pavarësisht se më mirë në renditje.

Qëllimi ishte që Boci të nxirrte topin nga mesi i fushës se e dija që do kishim vështirësi se Tirana ishte shumë e dendur aty. Doja një lojtar dhe vetëm ai mund ta bënte.

Të gjithë çunat kanë qenë të jashtëzakonshëm në këtë periudhë dhe dua t’i falenderoj”, u shpreh Hodo për RTSH.