Prononcimi i trajneri të Bylisit Gentian Mezani, pas ndeshjes, Bylis-Skënderbeu, 0-3
“Ne e nisëm në 4-3-1-2 ose 4-4-2, ishin në pozicionin e tyre, vetëm Mahmuti luante mbrojtës i djathtë. Kishim mangësi në atë pozicion se Kamara me kartona, në këto 2 ditë nuk ka bërë keq. Nga drejtuesit m’u tha se është marrë për mbrojtës të djathtë dhe ashtu ka luajtur 1 sezon. Nuk shkoi mirë. Nuk është ai problemi i këtij rezultati, skuadra nuk funksionoi si duhet pas pësimit të golit. U pa një skuadër, që ndoshta në presion, ose nuk di ta them se jemi munduar të mos i fusim në presion gjatë këtyre ditëve. Nuk arritëm dot të shfaqnim ato që kemi punuar gjatë javës.
Eufori ndoshta, por nuk është kjo. E kemi vlerësuar maksimalisht, kemi parë ndeshje të Skënderbeut, ka cilësi. Mendoj që duhet ta kërkojmë te vetja, nuk mendoj ka qenë eufori se nuk ka mbaruar asgjë. Janë shumë pikë, e kemi vështirësuar me sot. Ka ndeshje dhe do të mundohemi të flasim nga ana psikologjike. Nuk mund të pësojmë gol dhe pastaj të kërkojmë përmbysjen se bëhet më e vështirë. Nëse ka ndeshje që humbet, të humbet me dinjitet. Marr përgjegjësi dhe unë të miat sepse unë e vendos skuadrën në fushë, por mendoj nuk kemi dhënë çfarë duhet. Pati një shthurje pas golit, ishim një kohë me vonesë. Kjo mendoj ka influencuar sot në ditën e ndeshjes.
Ishte një ndeshje me Partizanin ku ekipi shumë i lodhur, ekipi doli me shumë probleme. Bëmë ndeshje të mirë me Egnatian duke alternuar lojtarët. U munduam të kishim lojtarët më të freskët, përveç Ilieskit dhe portierit, të tjerët ishin pushim. Mendonim do të ishim të freskës. Ishte e papranueshme me gjithë ato hapësira që lejonim. Nëse do ishin lojtarët të lodhur, mendoj 1 pjesë do e luanim mirë. Kishim shthurje taktike pas golit. Kishin presion në veten e vet se e dinin që ndeshje shumë e rëndësishme se 3 pikë që do na lehtësonin po ta kishim fituar. Duhet të korrigjojmë gabimet, nuk ka më sepse janë të patolerueshme. Nuk kemi ku të gjejmë më pikët, ndeshjet po pakësohen.
Vuajtëm në pjesën e parë krahun e djathtë, faza defensive. Nuk mund të kërkojmë nga Mahmuti të shkojë deri në fundore se nuk e ka atë cilësi. Peralta pati vështirësi dhe në futjen në lojë. Është nga lojtarët që pati probleme pas ndeshjes me Partizanin. Zhgënjimi më i madh ishte mesi i fushës, arritëm ta humbisnim shumë shpejt. Në të dyja fazat, si difensiv dhe ofensiv, nuk ishim në kohë. Kundërshtari ishte gjithë kohës në mesin e fushës ku e merrte topin lirshëm. Është analizë e thellë për t’u bërë. Në të gjitha ndeshjet që kam qenë ose kam parë, është e vetmja ndeshje që ka pasur shthurje taktikisht pas golit.
Kjo ishte ndeshje me kundërshtar direkt, nuk mendoj se çunat e kanë neglizhuar këtë skuadër. E njohin skuadrën, duhet të shikojmë disa aspekte dhe gjëra. E vendos theksin te presioni që ndoshta kanë pasur. Ndeshje në shtëpi, presioni akoma më i madh ku fitorja detyrim, barazimi ishte humbje për ne, jo më humbja. Duke analizuar do shikojmë të gjejmë gabimet, të marrim përgjegjësi dhe të jemi më konkretë në aksionet që flasim para portës. Nëse do shënonim në 2-3 episodet që kishim, ndoshta do flisnim ndryshe. Prandaj është futbolli i bukur”, u shpreh Mezani për RTSH.