Prononcimi i trajnerit të Skënderbeut, Ernest Gjoka, pas ndeshjes Skënderbeu-Laçi, 0-2
“Prisnim më shumë, pretendonim ta interpretonim ndryshe. Situata u rikthye mbrapsht. Çdo gjë vështirësohet, por mendoj se skuadra ka forcën për të reaguar.
Mendoj se ishte ngarkesa psikologjike sepse ideja që duhet të bënim gjithçka për të fituar. Pjesa e parë ishte më shumë në kontrollin tonë, u munduam ta bllokonim kundërshtarin. Kur pësuam golin, nuk duhet të ishte si moment sepse mund të evitohej. Futbolli i tillë është, kur do të bësh hapin e madh nuk e bën dot. Skuadra duhet ta kuptojë se kjo ngarkesë do të jetë këtu.
Kam besim, sot mendoj se ndoshta gabimi ishte interpretimi nga ana ime. Në pjesën e dytë kemi dhënë me 10 lojtarë se në pjesën e parë. Kam besim se do e kalojmë këtë ngërçin. Gabim është që nuk po e bëjmë hapin e madh”, u shpreh Gjoka për RTSH.