Hysen Dedja, ish-futbollist dhe ish-trajner i Vllaznisë, ka analizuar në një intervistë për “Panorama Sport” ndeshjen e fundit me Egnatian, ku shkodranët humbën 0-2. Sipas ish-kampionit të vendit me kuqeblutë, ishte një disfatë e papritur, duke ditur formën që po kalonte skuadra.
Dedja e thotë hapur se ekipi nuk bind 100% për të pretenduar titullin kampion dhe se Vllaznia duhet të vërë diktatin e saj që në fillim të ndeshjeve për të mos e lejuar kundërshtarin të marrë terren, siç ka ndodhur shpesh gjatë këtij sezoni.
Ku shkon Vllaznia këtë sezon?
Për momentin nuk e shoh për titull. Mendoj se është luftë e egër mes 4 skuadrave të para. Nga eksperienca ime, kur kam luajtur futboll, kam luajtur me më të mirët në Shqipëri, me futbollistë që vlerësonin çdo moment. Nga stërvitja në ndeshje, ana psikologjike ishte gjithmonë se ishim për titull. Vetë ne si shkodranë jemi krenarë dhe atë krenari duhet ta kthejmë në fitore.
Një koment për aktivizimin e të rinjve këtë sezon?
Nota 10 për aktivizimin e të rinjve. Mund të veçohen Dodaj dhe Delaj. Jemi si një fidanishte e madhe, që furnizojmë çdo ekip në çdo kategori.
Endri ÇINARI
