Gilman Lika, i cili prej disa vitesh është transferuar në Dubai, ku trajnon në një nga akademitë vendase ka folur së fundmi për “Panorama Sport”. Shkodrani është ndalur te ndeshja Vllaznia-Partizani, ku shprehet se kuqeblutë duhet të ishin më të kujdesshëm për të marrë pikët e plota.
Po ashtu, ish-kapiteni i Vllaznisë dhe Tiranës ndan një mendim edhe për klasiken e mesjavës. Ku pret një ndeshje spektakolare mes dy skuadrave më të vjetra në vend.
Lika, barazim 2-2 në ndeshjen e fundit, Vllaznia-Partizani. Rezultat i drejtë?
Më vjen ke që ndeshje përfundoi në barazim, pasi Vllaznia po kryesonte deri në fund. Skuadra për mendimin tim duhet të ishte më e përqëndruar dhe me një mentalitet tjetër në minutat e fundit. Në mendimin timk, Vllanzia humbi dy pikë kundër Partizanit, por gjëra të tilla ndodhin në futboll. E patjetër nuk duhet hequr edhe merita e kundërshtarit që arritën të merrnin rezultat pozitiv në Shkodër
Çfar nuk po shkon tek kjo Vllaznia? Ekipi ka 4 ndeshje pa fitore.
Nuk besoj se ka vend për panik, por e rëndësishjme është që skuadra të gjejë fitoren. Për këtë duhet punuar që nga ndeshja e radhës dhe me stërvitje e punë çdo ditë.
Kampionati kthehet shpejt në mesjavë me klasiken Tirana-Vllaznia. Ke qenë kapiten i të dy skuadrave, si e sheh Lika këtë duel?
Klasikja është ndeshja që ka dhuruar gjithmonë emocione dhe spektakël. Nuk besoj se do të zhgënjejë as kësaj radhe. Sepse janë dy skuadra që janë të etura për fitore dhe besoj se kjo do e shtojë luftën sportive e po ashtu dëshirën për të triumfuar.
Ndonjë parashikim apo golashënues?
Vllazninë e shoh disi më të favorizuar, sepse në syrin tim është më në formë. Tirana mbetet gjithmonë një kundërshtar i fortë për këdo. Prandaj duhet pasur kujdes nga bardheblutë.
Endri ÇINARI