Shqipëria nis rrugëtimin në Euro 2024, përballë Italisë, në ndeshjen që luhet në stadiumin e Dortmund, “Signal Iduna Park”.
Kuqezinjtë do të kërkojnë ta nisin me këmbën e mbarë dhe synohet surpriza e madhe. Me moralin e lartë, Kombëtarja shqiptare, është gati për të bërë ëndrrat realitet për të gjithë tifozët.
Italia shënoi dy gola në pjesën e parë të ndeshjes së sotme përballë Shqipërisë, duke gjetur rrugën e rrjetës me futbollistët Bastoni e Barela në minutat 11 dhe 16 të pjesës së parë. Këto dy gola shërbyen për të përmbysur avantazhin e shpejtë të Bajramit për Shqipërinë, por edhe për të shkruar historinë për klubin e tyre, Interin.
Mund të duket e çuditshme por kjo është hera e parë në historinë e Kampionatit Europian, që dy futbollistë të Interit shënojnë në të njëjtën ndeshje, duke e bërë të veçantë këtë sfidë për klubin zikaltër.
