Dy futbollistët e Vllaznisë, mbrojtësi Jago dhe sulmuesi Gruda janë përzgjedhur në formacionin më të mirë të javës së 28-të të Abissnet Superiore. Pas përfundimit të javës së 28-të, trajnerët e ekipeve Kombëtare kanë përzgjedhur formacionin dhe trajnerin më të mirë në kampionatin “Abissnet Superiore”.
Në portë është gardiani i Egnatias, Mario Dajsinani. Mbrojtja përbëhet nga: Andrey Yago (Vllaznia), Elvis Prençi (Skënderbeu), Sigitas Olberkis (AF Elbasani), Aboubacar Camara (Bylis).
Në mesfushë janë: Regi Lushkja (Egnatia), Paulo Estrela (Skënderbeu), Malomo Taofeek Ayodeji (Bylis).
Në majën e sulmit është Walid Jarmouni (Tirana), ndërsa krahët përbëhen nga Ildi Gruda (Vllaznia) dhe Serxho Ujka (Egnatia). Trajneri më i mirë i javës së 28-të është përzgjedhur tekniku i Egnatia, Edlir Tetova.