Kategorisë e Parë e futbollit shqiptar luajti sot ndeshjet e javës së 12-të, ku padyshim që kryendeshja e kësaj jave ishte përballja në stadiumin “Ismail Xhemali” të Pukës në mes Tërbunit vendas dhe Bylisit mysafir. Ballshiotët, kryesues të kampionatit që kërkojnë me doemos të garantojnë rikthimin në Supeiore kishin udhëtuar për fitore në transfertën e Pukës. Por, duket se llogaritë i kishin bërë gabim, sepse shkodrani i pankinës pukjane, Elvin Beqiri i kishte masat e duhura. Realisht, Tërbuni kërkonte fitoren tre pikëshe, por në fund, barazimi me kryesuesen Bylis përbën lajm pozitiv. Aq më tepër kur shijakasit e Erzenit të drejtuar nga Nevil Dede, me fitoren e sotme ndaj Lushnjes 4-1 e ngushtuan në tre pikë diferencën me ballshiotët kryesues.
Nga ana e tjetër dibranët e Korabit që edhe ato konsiderohen pretendentë për kualifikim në Superiore, me humbjen e pësuar sot në Fier me Apoloninë, distancohen më shumë nga kreu.
Fitore me vlerë morën edhe Tomori me Butrintin, të cilët sfiduan Besëlidhjen dhe Besen, me të njëjtin rezultat, 1-0. Fitore këto që i ngrejnë në renditje, sidomos beratasit që barazohen me pikë me pukjanët e vendit të katërt.
Rezultatet e javës së 12-të të Kategorisë së Parë
Tërbuni Bylis 0-0
Erzeni-Lushnja 4-1
Apolonia-Korabi 3-2
Shkumbini-Pogradeci 1-1
Maliqi Turbina 1-1
Tomori-Besëlidhja 1-0
Butrinti-Besa 1-0
Butrinti-Besa 1-0
