Kategoria e Parë ashtu si Abisnet Superiore do të luaj tre ndeshje të vlefshme për javën e 25-të të kampionatit. Duele mjaftë interesante jan në program për tu zhvilluar në të njëjtën orë 14:00.
Apolonia ka udhëtuar në transfertë për të sfiduar Besën e Kavajës. Fierakët kërkojnë t’i largohen fundit,ndërsa kavajasit për të blinduar akoma më shumë vendin e 3-të në tabelën e klasifikimit.
Interesante do të jetë edhe përballja mes Burrelit dhe Kastriotit. Matjanët janë forcë e 4-të e kampionatit dhe një tjetër triumf do t’i mbante në këtë pozicion, ndërsa krutanët synojnë një vend në “Play-Off” dhe vetëm fitorja iu bën punë.
Dueli i fundit i ditës së sotme do të jetë mes Vorës dhe Kukësit. Skuadra e Arian Bellait vjen si kryesuese në këtë kampionat dhe ndja verilindorëve tenton fitoren e 5-të rresht. Ndërkohë nga krahu tjetër kuksianët ndodhen në zonën e “Play-Out” dhe tentojnë surprizën ndaj kryesuesve,pasi 3 pikët për ta jan majft jetike.
Fatos LAMAJ