KF Klosi-KF Shiroka 1-2(Shënues: Flogert Doma 82’/Seit Çela 17’, Rei Boshti 49’)
Kampionati Kombëtar i Futbollit për Kategorinë e Tretë, grupi A, luajti sot ndeshjet e javës së 13-të, e parafundit për fazën e dytë të sezonit futbollistik 2024-2025. KF Shiroka ishte mysafire në Klos duke u ndeshur me ekipin vendas me të njëjtin emër.
Një ndeshje që nisi me gol për skuadrën shirokase, e cila në minutën e 17-të shënon golin e avantazhit me autor Seit Çelen. Minutat në vazhdim flasin sërishmi për mysafirët e KF Shiroka, të cilët krijojnë edhe disa raste të tjera goli. Nuk mungojnë edhe përpjekjet e skuadrës vendase për të gjetur golin e barazimit, por pjesa e parë mbyllet me shifrat 0 me 1 për Shirokën.
Starti i pjesës së dytë është përsëri për Shirokën, ku katër minuta nga fillimi është Rei Boshti që shënon golin e dytë për skuadrën e tij duke e çuar avantazhin e Shirokës në 2 me 0.
Pas pësimit të golit të dytë, Klosi reagon duke shtuar forcat sulmuese, por përballë ka një Shirokë të mirëorganizuar, e cila krahas kujdesit në prapavijë kërcënon edhe për një gol të tretë në portën vendase.
Gjithësesi, pas shumë përpjekjesh, Klosi arrin të shënojë në minutën e 82-të me anë të Flogert Tomës, por duke mos pasur fuqi të shkoj më shumë sesa shkurtimi i disavantazhit, sepse vërshëllima përfundimtare e gjyqtarit Bacaj fikson rezultatin, Klosi 1 dhe shiroka 2.
Me interes për grupin A është pritur ndeshja Partizani B-Bulqiza, ku pas fitores 2-0, të kuqtë kanë marrë kryesimin e tabelës së klasifikimit për grupin A të Kategorisë së Tretë 29 pikë. Në vend të dytë është Eagle Football me 28 pikë, ndërkohë që KF Shiroka renditet në vendin e tretë me 25 pikë.