Tirana do të dueloj me Vllazninë në kuadër të javës së 29-të të Superiores. Duel ky që është parashikuar të luhet ditën e martë në orën 16:30.
Fillimisht kjo sfidë u përfol se do të luhej në “Niko Dovana” por nuk do të zhvillohet në këtë stadium. “Veriu Sport” ka zbuluar stadiumin ku do të luhet Klasikja e Shqipërisë dhe do të jetë “Elbasan Arena” që do të pres këtë përballje.
Të dyja skuadrat vijnë në këtë takim pas fitores në mesjavë ku Tirana mundi thellësisht Laçin 4-1,ndërsa Vllaznia mori një fitore me peshë përballë Partizanit 2-0 në “Loro Boriçi”. Kujtojmë që fazat e kaluara ndeshja e parë u zhvillua në “Roza Haxhiu” të Lushnjes dhe u fitua nga Vllaznia me shifrat 3-4 ndërsa,në fazën e dytë ndeshja e luajtur në “Loro Boriçi” u fitua po nga Vllaznia me shifrat 2-1.
Ndërsa me interes pritet dhe cili do të jetë arbitri që do mar përsipër të gjykoj këtë klasike. Ndërsa me shumë mundësi do ti besohet arbitrit të FIFA-s Enea Jorgji. Në fazat e kaluara ndeshjen në Lushnje e ka gjykuar pikërisht Enea Jorgji dhe në sistemin Var ka qenë Juxhin Xhaja,ndërsa ndeshja e dytë në Loro Boriçi është gjykuar nga Andi Koçi dhe në sistemin Var ka qenë Eldorjan Hamiti.
Fatos LAMAJ