Kupa e Kosovës ka njohur katër ekiper gjysmëfinale. Ato janë Llapi, Drenica, Drita dhe Prishtina. Sfida më e dyluftuar e takimeve çerekfinale ishte ajo në mes Drenicës dhe Ferizajt. Vendasit e drejtuar nga trajneri Arsim Thaçi, i cili sezonin e kaluar drejtoi Suhareken kampione kaloi në avantazh që në minutën e 18-të me autor Fofana duke bërë që pjesa e parë të mbyllet me fitoren e Drenicës 1-0.
45 minutëshi i dytë ishte edhe më luftaraku, ku pasi Drenica luajti me një lojtar më pak në fushë nga minuta e 59-të, pas përjashtimit të Auron Hamitit me karton të kuq. Së bashku me shtesën prej nëntë minutash, 58-të minutat e mbetura mbrojtja e Drenicës, në qëndër të së cilës ishte futbollisti shkodran Antonio Marku, pati mjaft punë për të ndalur presionin e Ferizajt, por në fund ia doli duke mbajtur rrjetër e tyre të paprekur duke zyrtarizuar kualifikimin në turin gjysmëfinal të Kupës së Shqipërisë.
Me të njëjtin rezultat, 1-0, me gol të shënuar nga Ardit Tahiri në minutën e dytë shtesë të pjesës së parë, është kualifikuar edhe Llapi, i cili eleminoi Malisheven Ashtu si edhe në Drenicë, edhe në këtë ndeshje pati karton të kuq në minutën e 87-të në dëm të Llapit.
Ndryshe nga dy takimet e para që prodhuan vetëm nga një gol në secilen ndeshje, në dy sfidat e tjera pati bollek golash. Drita dhe Prishtina kanë siguruar kalimin në fazën gjysmëfinale. Në një paraqitje mbresëlënëse, Drita triumfoi me rezultat të lartë 4:0 ndaj Prishtinës së Re. Golat e shënuar nga Rron Broja (7′), Kastriot Selmani (47′), Arb Manaj (59′) dhe Iljasa Zulfiu (88′) vulosën fitoren e merituar për gjilanasit. Me po aq gola fitoi edhe Prishtina kundër Vëllaznimit (4:0). Najeeb Yakubu (17′), Dion Gallapeni (59′), Ron Raçi (70′) dhe Alban Shillova (82′) ishin protagonistët e golave për kryeqytetasit.